「银河舰队」欧联沉船士气曳
今晚西甲尾场爆发至激国家打吡，「2哥」皇家马德里主场火併「1哥」巴塞隆拿。皇马箭头宾施马喺联赛入球率跌Watt，王牌夏萨特一伤再伤，加上近期频频失分兼喺欧联新败，打击士气，相反巴塞球王美斯及时弗番，近年造访巴拿贝战绩坚sharp醒，仲有得受让咁笋，让球客胜咪错过。（Now 632及611周一凌晨4时直播）

欧洲多国受新冠病毒影响，不少球赛亦受影响，惟西班牙衞生部认为，由于染病个桉未有大幅增加，所以当地预警级别维持喺第一级，暂时毋须控制大量人群嘅活动，所以西甲联赛会觉得呢场国家打吡，唔存在新冠肺炎扩散风险，不必闭门作赛或改期。

夏萨特收咧打乱皇马阵脚
讲番场波，皇马连续两轮联赛失分，畀巴塞抢回榜首位置，睇番佢哋近9场联赛只入13粒，其中前锋仅佔3粒，宾施马更加入得1球咁大把，有负主帅兼「契爷」施丹嘅期望。施丹喺冬季转会窗冇乜动作，因为养伤多时嘅夏萨特正係最佳「新援」，点知佢复出冇耐即喺对利云特之役足踝受伤，好大机会提早收咧，打乱晒施丹加强进攻嘅如意算盘。最弊係上周中欧联16强首回合领先之下，末段忽然走样反输畀曼城1比2，临国家打吡前咁样输波，确实影响信心。

巴塞早前经历易帅起伏后，上周中欧联虽仅以1比1赛和拿玻里，但总算拎到作客入球，而且近6场联赛取得5胜1负，明显重上正轨，一度4场联赛食白果嘅队长美斯，上轮大胜伊巴5比0之役食出大四喜，连同球会及国家队赛事，喺职业生涯共轰696球，兼且交出306次助攻，参与入球突破1000大关。

除此之外，呢位以26球成为国家打吡史上士哥王嘅射手，其中有15球喺皇马主场巴拿贝球场取得，今仗犹如返「主场」比赛，有指主帅史坦恩打算起用新兵中锋巴夫韦迪担正，有佢喺前线掩护，相信美斯同基沙文会有更多数胡机会。翻查纪录，巴塞近7次对皇马4胜3和未输过，单计近4次联赛造访皇马更加赢晒，仲有得受让笋到爆，让球客胜有买趁早。