今晚英格兰联赛盃8强曼市双雄分途出击，其中曼联主场迎战乙组仔高车士打。「红魔」今季遇强愈强，同佢哋主打反击战术有关，对住死守弱旅反而冇乜板斧；高车士打势摆铁桶阵，有力顶住半场唔输，半场和不容错过。

曼联今季「劫富济贫」，之前连赢热刺同曼城，喺英超对住「新Big 6」4胜1和未输过，上圈英联盃亦能淘汰车路士。但佢哋对住主守嘅球队就冇乜计，原因好简单，皆因主帅苏斯克查主打稳守突击战术，对住强队每每凭反击杀对方措手不及，可惜呢招对弱队冇得施展，佢哋主攻打阵地战就老鼠拉龟。连同上届在内，红魔近3次英联盃对非英超球队，只得2和1负，其中两次半场互交白卷，加上近4仗主场有3次开半和，遇死守嘅高车士打初段必陷苦战，半和有计。（周四凌晨4时开赛）

蓝月有心衞冕半场大起牛津联
至于衞冕嘅曼城则作客甲组牛津联。牛津联打入8强已超额完成，「蓝月」之前两圈英联盃并非全出副选应战，证明有心衞冕，佢哋近5仗作客4次半场大，1.5球嘅半场大不妨再追。

（周四凌晨3时45分开赛）