今晚卡塔尔举行嘅世冠盃4强战，中北美洲代表蒙特雷硬撼欧联冠军利物浦。近年欧洲代表喺世冠盃威到尽，「红军」当然想延续垄断，喺频密赛程下必想速战速决杀入决赛，半场客胜好路。

（无綫85台周四凌晨1时30分直播）

中北美洲代表喺世冠盃战绩麻麻，之前4届得两届入4强，但全部都未能跻身决赛，今届代表墨西哥嘅蒙特雷上圈领先2球下，最终只能险胜东道主艾萨德3比2，防线坚唔稳阵，面对锋力强横嘅「红军」，半场难顶。

利物浦今季喺英超抛离成条街，欧联亦顺利出线16强，连艾萨德教头、前巴塞中场大师沙维都讚佢哋攻守转换太完美，球员完全贯彻主帅高普高强度压迫嘅风格，令对手难以招架。今次「红军」强阵出征，早前受伤患困扰嘅王牌穆罕默德沙拿，近3场亦狂轰4粒，状态返晒嚟，包括上场淨胜屈福特2比0之役，罕有地用「私家Q」右脚包办两粒，弗到咁叫等閒之辈点防范。

欧洲代表近年打晒骰
翻查纪录，近年世冠盃被欧洲代表垄断，近14届欧洲代表11度封王，其馀3次屈居亚军，即係话近14届欧洲球队都能打入决赛。单计近9届4强战，欧洲代表都喺法定时间赢波晋级，其中8次上半场已领先，况且利记近5仗有4次半场领先，当然想早早锁定胜局，下半场换出部分主力为决赛做准备，半场客胜值捧。