良性竞争激活锋线
今晚英超头场之一，「2哥」曼城主场迎战狼队。「蓝月亮」王牌阿古路虽然联赛连续入波断缆，但佢同「耶稣仔」加比尔捷西斯轮住上阵，有利保持状态，另一射手史达宁啱啱打破球会生涯百球大关，面对狼队必定狂轰勐炸，主胜冇肉食，转捧3.5球嘅大盘最上算。

（Now 621周日晚9时直播）

曼城上场联赛赢爱华顿3比1，王牌阿古路虽冇士哥，开季连续6场联赛入波走势断缆，但依家仍以8球暂列射手榜首位，主帅哥迪奥拿继续安排佢同加比尔捷西斯轮流上阵，确保呢名阿根廷前锋抖到够避免搏残。「耶稣仔」亦同样受益，近4次正选披甲皆有斩获，喺良性竞争下全面激活两大射手。

史达宁球会入球破百
至于曼城另一射手史达宁亦弗到震，继上场联赛斗爱华顿建功后，上周中欧联分组赛斗萨格勒布戴拿模更加先拔头筹，协助球队赢2比0，个人喺球会生涯入波达到101球，脚风奇顺。就算奇云迪布尼今仗因伤缺阵，仲有开咧即入局嘅马列斯、贝拿度施华等后上支援，真係令对手防不胜防。

鲁尔占美尼斯够料偷鸡
不过「蓝月亮」一向攻强守弱，喺中坚拿朴迪因伤长抖后，防线坚唔稳阵，开咧后7场联赛有4场未能保持清白之身，总入球全开4球或以上，狼队有前锋鲁尔占美尼斯担大旗下，绝对有机会偷鸡入波，主胜赔率太热冇肉食，捧3.5球嘅入球大最明智。