弃用高图尔斯即转运
今晚西甲10点场爆发榜首大战，「1哥」皇马主场迎战「2哥」CF格兰纳达。虽然皇马近况麻麻，但主帅施丹终于的起心肝弃用纸扎门神泰拔高图尔斯，有助巩固防守，今仗撞正「私房菜」CF格兰纳达必定擦餐饱，直取让球主胜。

（Now 632周六晚10时直播）

儘管皇马依家排紧联赛第1，兼且係唯一未败之师，不过7战只得4胜3和，未见霸气，亦与死敌巴塞隆拿频频甩辘有关。特别係门将泰拔高图尔斯嘅表现坚曳，呢位上年世盃金手套得主，自上「舰」后43场把关，总共失咗59粒，场均失1.37球，只得12仗保持清白之身，日前欧联对布鲁日初段又失2粒，激到主帅施丹半场就换走佢，下半场即连追2球打和收场，明显换走瘟神果然有运行，何况有传高图尔斯因伤未复操，预计会续用艾路拿把关，效果更佳。

讲开对布鲁日场波，皇马如此劣势下咁都抢番1分，赛后施丹都话众将上下半场嘅比赛态度明显唔同晒，佢哋更加投入同专注，队长沙治奥拉莫斯都话下半场嗰队，先係真正嘅「银河舰队」，可见佢哋踢番起斗志。

CF格兰纳达访巴拿贝多惨败
CF格兰纳达今季异军突起，近5仗联赛取得4胜1和杀上「2哥」位，但主力费迪维高、基尼等未好番，阵容不整。加上佢哋坚係皇马「私房菜」，近6次碰头皇马唔单止赢晒，其中4次至少赢4粒，包括2次造访巴拿贝遭血洗0比5同1比9，真係未踢已经脚仔软，格食格下捧番让球主胜。