今晚H组大战车路士作客法甲里尔。车仔喺少帅林柏特带领下「全民皆攻」，入得又失得坚性感，而且喺欧联客场例多士哥，加上双方首轮都输波而回，预计今场为抢分唔会龟缩，2.5球嘅入球大有买趁早。

（Now 645、有线604及603台周四凌晨3时直播）

车仔自林柏特回巢执教后，崇尚进攻，重用年轻球员喺中前场打高位逼抢，确令火力大增，无论係正选嘅谭美阿巴谦、美臣蒙特、尼高路简迪，抑或后备的巴舒亚伊、列斯占士等，都喺今季开咗斋。不过太过进取亦令防线暴露更多漏洞，今季10场正式赛事，当中9次有失球，尤其中坚鲁迪格仲未好番，无论起用安达斯基斯坦臣、葛特苏马或汤姆利，防线都难言稳阵。

双方求3分唔会龟缩
里尔今夏高价卖走首席射手尼高拉斯比比，搞到战绩下滑，不过联赛主场4战全胜威力犹在，而新加盟嘅域陀奥森汉头8场联赛入6球亦交足货。双方首轮都落笔打三更，里尔作客惨吞阿积士3蛋，车仔则喺巴克里射失12码下1球不敌华伦西亚，为争出线唔会打守势波。何况车仔近6场欧联作客全开3球或以上，今场向2.5球嘅大盘埋手最上算。