法甲联赛依家前7名只有3分差距，今季争标肯定好睇过戏！搞到形势咁溷乱，最大原因当然係班霸巴黎圣日耳门（PSG）大跌Watt，以佢哋近期联赛低沉演出，加上又有欧联顾虑，今晚对住表现稳步上扬嘅波尔多，作客让唔起一球/球半，下盘值得捧场。

（myTV Gold 302、Now 639、714、有线603、604、615及655台周六晚11时30分直播）

PSG早前喺欧联首场分组赛以3比0大胜皇家马德里，不过新加盟嘅阿根廷前锋莫路伊卡迪伤出，连同之前受伤嘅卡云尼及基利安麦巴比，令PSG大闹前锋荒，联赛对斯特拉斯堡及里昂，都係靠尼马完场前福至心灵建功险胜1比0，周中主场斗兰斯仲淨吞2蛋，吃下本季第2场败仗，表现冇晒昔日霸气。虽然基利安麦巴比据报已复操，但久疏战阵状态肯定唔弗，而且PSG下周欧联分组赛将要作客「地狱球场」加拉塔沙雷，为免增添伤患，相信落场球员更会避重就轻。

波尔多自从揭幕战输畀昂热后，联赛已保持6场不败，而且佢哋近年迎战PSG经常打高一皮波，对上5次联赛主场对赛攞到1胜2和2负，绝非冇还击之力，以PSG近期状态想淨胜2粒唔容易，作客让一球/球半太多，波童今场拣下盘。

里昂南特开「大」片
至于较早开波嘅直播戏码有里昂主场斗南特，里昂周中作客比斯特喺两度领先情况下，都被对手逼和2比2，再次暴露佢哋攻强守弱缺点；南特由老帅基斯顿哥古夫掌帅印后愈踢愈好，近5场联赛赢4场，兼且场场有波入，作客有本钱同主队斗攻，捧大盘最好路。

（myTV Gold 302、Now 639、有线615及655台周六晚7时30分直播）