榄球世界盃目前喺日本举行，当地人都沉醉喺呢项赛事，但係周六晏昼有场日职赛事成功抢Fo，预料入场观众超过4万，就係「大坂打吡第38回」——大坂樱花主场硬撼大坂飞脚。

（有线662及602台周六下午1时直播）

呢场关西内讧唔只关乎胜负，更加係两队面子问题。季中加盟飞脚嘅前国脚宇佐美贵史都直认不讳，呢场波唔只3分咁简单。

樱花守强飞脚攻弱
目前位居联赛第6位嘅樱花中前场伤兵满营，除咗前锋都仓贤养伤提早收咧，西本雅崇、藤本康太、高木俊幸及清武弘嗣都未康复，首席射手之一嘅巴西箭头般奴文迪斯，又自7月中就陷于入球荒，的确缺少必胜把握。况且，翻查以往37场联赛打吡往绩，樱花咁耐只得9胜5和23负，最惨係近8次交手冇赢过飞脚不特止，仲要4连败，让波确实唔抵捧。

长期徘徊下游嘅飞脚今季重用新人，但係显然有啲揠苗助长，导致表现反覆，搞到依家处于护级漩涡边缘，只係多尾3嘅鸟栖砂岩4分，随时落埋水。因为咁，佢哋一定搏命抢分。问题係飞脚埋门比较差，教头宫本恒靖亦坦承樱花防守硬净，点样攻得入去都几头痛吓。加埋联赛入咗5球嘅中场小野瀬康介坐波监，飞脚守住唔输唔奇，要赢就抆抆哋，所以投注首选一定係中位数2.5球嘅入球细。