上季英超神射手够晒激，最终由同入22球嘅奥巴美扬、沙迪奥文尼及穆罕默德沙拿3位瓜分，佢哋今届继续留喺英超搵食，加埋热刺哈利卡尼、曼城「双枪」阿古路同史达宁，相信今季又会出现争崩头景像！
除呢班「见惯见熟」嘅射手外，值得留意诺域治箭头迪姆普基。呢位芬兰神锋上季英冠狂轰29球，带领「金丝雀」重返英超，虽然季前被质疑能否喺英超立足。佢用行动说明一切，开咧4仗狂轰5粒，更先后射破利物浦同车路士两支Big 6嘅大门，水准同稳定性都极具保证，可能係英超神射手最有力挑战者。