大菲领军保持霸气
听朝巴西盃8强首回合有多场大战，等阿King度番条过关好嘢畀大家。重心彭美拉斯主场斗国际体育会，巴甲「1哥」彭美拉斯今季表现仍然对办，攻守有序，对住有多位主力上阵成疑嘅国际体育会，必趁主场之利抢佔先机，让半一嘅上盘好路。
（周四早上8时30分开赛）
上季喺巴甲封王嘅彭美拉斯，今季继续由名帅「大菲」史高拉利带领，各项赛事高歌勐进。彭美拉斯阵容鼎盛，前线有曾喺西甲搵食嘅迪华臣担大旗，中场队长般奴哥仙尼更係球队联赛首席射手，后防方面亦固若金汤，近10仗全胜之馀，只失过1球咁大把，主力中坚古斯达禾高美斯踢完美洲盃后归队候命，实力更见完整。
作客嘅国体会仲係依赖迪阿历辛度同荷西古里路两位老将，表现难有保证，尤其后者刚刚帮秘鲁踢完美洲盃决赛，虽已返球会报到，但今场未必上阵，加上右闸薛卡亦因伤缺阵，难同班霸彭美拉斯周旋，捧上盘冇衰。
串甘美奥细法林明高Ｗ
另外，甘美奥主场对巴希亚，甘美奥巴西国脚艾华顿索拉斯喺美洲盃大放异彩，更获多间欧洲豪门关注，不过今场未必赶得切上阵，若然缺少呢位速度快兼射术了得嘅箭头，甘美奥锋力肯定打折扣，捧入球细正路。（周四早上6时15分开赛）最后帕拉尼恩斯主场迎战法林明高，帕军有后防主力泰亚高希兰奴倦勤，法林明高近5仗录得4胜够晒稳定，联赛暂列第3有馀力兼顾盃赛，客胜稳阵。
（周四早上8时30分开赛）