争入决赛冇保留
周三早上美洲金盃4强大战，海地将会同墨西哥竞逐决赛席位。墨西哥今届喺阿根廷名帅马天奴带领下，大打进攻足球，前场火力有目共睹，加上海地今届场场都有波入，呢场有本钱同墨西哥斗攻，入球大係不二之选。
（周三早上10时开赛）
马天奴领军专打进攻足球
曾经执教西甲豪门巴塞隆拿嘅阿根廷名帅马天奴，年初接手墨西哥之后战绩彪炳，其崇尚进攻嘅踢法更係深得球迷心，今次美洲金盃佢坚持一贯进取打法，成功带领墨军杀入4强，4场战罢狂入14球，其中前锋鲁尔占美尼斯已经独取4球，包括上仗8强战为球队打开记录。呢位效力狼队嘅射手，过去一季喺英超射入13个联赛入波，已经抢尽风头，呢场有佢担正，墨军攻力有保证。
今届喺美洲金盃改制之后，海地首次闯入4强，球队早前先后击败哥斯达黎加同加拿大两支强队，表现够晒正气，可以话已经超出预期，尤其一班攻击手状态弗爆，场场都有波入，呢场放开包袱照办煮碗同墨西哥斗攻，入球大值得留意。