A山返晒嚟
美洲盃另一场8强对决，周六早上由哥伦比亚硬撼衞冕嘅智利。以全胜姿态闯入8强嘅哥伦比亚，整体表现依然有待改善，尤其箭头人物法卡奥至今未开斋，状态令人担忧。相反智利喺球星阿历斯山齐士回勇下，继续保持美洲盃王者本色，呢场仲有得受让，当然拣智利让球客胜。
（Now 650及Now E周六早上7时直播）
力争连续第3次捧起美洲盃嘅智利，今届能够保持强势表现，同进攻核心阿历斯山齐士及时回勇有好大关係。「A山」过去一季喺曼联状态低迷，仲畀红魔球迷贴上水货标籤，不过返到国家队成个人生勐晒，继首战面对日本成功开斋之后，次仗斗厄瓜多尔一役再射入奠胜球，成为球队晋级功臣。「A山」之所以能够脱胎换骨，心态好重要，佢食住止痛药搏杀，带动起成队波。而且要多得智利以佢作为绝对进攻核心嘅战术安排，令呢位射手可以放开手脚发挥最佳水准，加上中场勐将维达尔上仗轮休抖到足，呢场将以最佳状态出战，智利实力不容小觑。
哥伦比亚输往绩让唔起
哥伦比亚由葡萄牙主帅奎罗斯领军，防守明显有改善，分组赛3战未失过波，不过进攻表现就相对逊色，其中主力前锋法卡奥踢完3场分组赛都冇波入，状态成疑，自信心肯定受挫，面对实力更强嘅智利，更难打破入球荒。翻查往绩，哥伦比亚近8次斗智利只係赢过1次，毫无优势可言，呢场难有本钱让波，捧让球客胜好过。