恶斗阿尔及利亚唔敢冒进
周五凌晨非国盃C组两强对撼，塞内加尔恶斗阿尔及利亚。双方阵中都有唔少勐人喺欧洲各大豪门搵食，实力比起C组另外两队明显超班，携手出线机会颇大。两队过往交手开局都胶着，呢仗半场前都未必分到胜负，半场和係好路。
（myTV Gold 301、Now 638、有线614及654台周五凌晨1时直播）
塞内加尔首战以2比0虽然击败坦桑尼亚取得首胜，但一班前锋把握力令人失望，多次错失扩大比数嘅机会，可幸主力攻击手沙迪奥文尼停赛期满今仗复出，呢位利物浦前锋上季踢到晓飞，相信可以改善临门一脚欠奉嘅问题。值得一提嘅係，塞内加尔中坚沙利夫辛尼上仗因伤半途被换出，呢仗好大机会缺阵，后防难免存在隐患，面对有多位进攻好手压阵嘅阿尔及利亚，肯定会踢得更谨慎。
和局收场都有着数
阿尔及利亚首战靠曼城攻击手马列斯同前锋布内亚齐齐开斋，以2比0击败肯尼亚，算係正常发挥，不过呢场对住劲旅塞内加尔，预料唔敢冒进。翻查往绩，两队近5次交手有4次半场同对手打和，呢场比赛初段两军都会以试探为主，况且就算和局收场，相信对双方嚟讲都唔係太差嘅结局，宁愿留力等末轮再争3分好过，半场和值得留意。