周四早上美洲盃B组对决，哥伦比亚将会面对卡塔尔。哥伦比亚年初改由葡萄牙名帅奎罗斯执教，表现大有改善，首战对阿根廷仲爆冷以2比0赢波，现时哥军手执3分，呢场赢波就肯定出线嘅情况下，势必狂攻卡塔尔，中位数2.5球入球大好路。
（Now 650及Now E周四清晨5时30分直播）
哥伦比亚首战表现最抢镜係一条攻击线，除中场占士洛迪古斯助攻助守，效力墨超CF阿美利加嘅射手罗渣马天尼斯都大放异彩，最重要係有大勇嘅杜云沙柏达任后备杀手，上场便靠呢位阿特兰大前锋建功锁定胜局。球队整体火力强劲，难怪哥伦比亚近7场取6胜1负，其中5次开3球或以上，呢场面对赛事初哥卡塔尔肯定咬住唔放狂抢攻。
不过唔好睇小首次参战美洲盃嘅卡塔尔，球队首战落后2球下以2比2逼和巴拉圭，表现令人眼前一亮。其中箭头人物艾莫尔斯阿里继亚洲盃决赛上演倒挂金鈎一战成名之后，嚟到美洲盃一样冇怯场，上仗为球队先开纪录拉开反攻号角嘅正係此子。卡塔尔年初能以7战全胜姿态勇夺亚洲盃，不容小觑，今战料同哥伦比亚斗攻，就算输波都有望破蛋，中位数2.5球入球大捧得过。