周三凌晨U21欧国盃分组赛，C组有英格兰U21同法国U21上演明日之星大晒冷。三狮军团人才辈出，阵中多位小将喺英超表现出色，质素有保证；另边厢法国今届遣强阵，实力亦唔输蚀，两军血气方刚为打响头炮唔会有保留，入球大必捧。（周三凌晨3时开赛）
科顿踢曼城见惯大场面
英格兰各青年梯队近年国际大赛表现优异，今届出战U21欧国盃嘅大军中，几乎将呢班「天才少年」全部徵召入伍，其中卡维特利云同苏兰基就係带领英军捧起2017年U20世青盃嘅功臣，至于赖恩施斯隆同美臣蒙，同年就跟另一支「英军幼狮」成功问鼎U19欧国盃冠军，不过当中最受瞩目嘅肯定係菲尔科顿同占士麦迪臣！
先讲菲尔科顿，呢位进攻中场目前效力曼城，虽然球队巨星如云，但喺领队哥迪奥拿悉心调教下，喺刚过去嘅球季都有唔少上阵机会，甚至连欧联都有得踢，可谓见惯大场面。至于占士麦迪臣仲叻仔，过去一季已经成为李斯特城嘅中场核心，比起同龄球员明显高一班，有呢班「天才」压阵，英格兰绝对有本钱大打进攻足球。
英军有「天才」，法国方面一样唔嘢小，除咗拥有「名将之后」马古斯杜林，队长卢卡斯杜沙特早于2016年已经带领「小高卢鸡」喺U19欧国盃封王，另外前锋穆沙迪比利亦喺法甲里昂长居正选，过去一季更攻入15球，够晒料同英军驳火！况且英格兰近5场U21欧国盃决赛周赛事，有4次开3球或以上，估计今场入波唔会少，一于吼实入球大。