美洲盃B组首轮赛事，巴拉圭恶斗亚洲代表卡塔尔。巴拉圭近年青黄不接问题严重，导致喺大赛常常甩辘，获邀参赛兼应届亚洲盃盟主卡塔尔，趁巴拉圭初段阵脚未稳随时偷到鸡，不妨冷敲半场客胜。
（Now 650周一凌晨3时直播）
昔日南美劲旅青黄不接
一向係南美劲旅嘅巴拉圭，近年表现每况愈下，唔止上届美洲盃喺分组赛出局，更连续2届无缘世盃决赛周，主因係青黄不接，近年较为标青嘅新星，只得效力纽卡素嘅中场米基尔阿米朗，今届仲要召入奥斯卡卡度素、靴兰佩雷斯等老将，可见球队人才凋零。斋讲近况，巴拉圭近8仗仅1胜，其中5仗更落败，曳到冇朋友。
身为来届世盃决赛周主办国，卡塔尔今次以嘉宾身份首次参加美洲盃，难得喺具竞争性盃赛面对南美洲球队，正好检视一下自己嘅实力。卡塔尔喺年头亚洲盃7战赢晒封王，包括决赛击败劲旅日本，信心爆棚，日前搵巴西「拍跳」都係仅输2粒唔失礼，绝对唔怕今非昔比嘅巴拉圭。
翻查纪录，巴拉圭近6场美洲盃有4次喺上半场落后，不妨博卡塔尔半场客胜。