今晚美洲国家盃头场委内瑞拉喺A组硬撼秘鲁。论实力秘鲁可能略胜一筹，但衰在近况差兼埋门唔掂，前线仲要靠老人家法芬同荷西古里路打拼，想攻破委内瑞拉防线唔易，捧中位球2.5球细盘更上算。
（Now 650周日凌晨3时直播）
仍倚重法芬古里路等老将
秘鲁近年表现重上正轨，唔单止近3届美洲盃两夺季军，上年更事隔36年再杀入世盃决赛周，确实有赖法芬及古里路等人努力，不过两老已经34及35岁，走下坡在所难免。新一代好似雷迪亚斯、安达卡里路等技术唔错，但偏偏係临门唔多掂，上年世盃分组赛对住丹麦同法国，场面不落下风，就係入唔到波。秘鲁近7仗热身赛只得2胜1和4负入得5粒，状态明显谷唔起。
委内瑞拉大部分球员都喺中北美洲或欧洲低水平联赛效力，最具名气係纽卡素箭头荷西朗顿，衰在目标太大容易畀人唛死。虽然过去22次碰头秘鲁赢咗16次，不过委内瑞拉啱啱喺热身赛击败美国，士气大振，有力顶住唔会大败。何况秘鲁近9场美洲盃分组赛，7次开2球或以下，2.5球嘅细盘最稳阵。