周三凌晨欧国外I组赛事，比利时主场迎战苏格兰。「欧洲红魔」王牌夏萨特状态火热，入波助攻瓣瓣有，福将奥历治季尾都时来运到，搭住中场勐将奇云迪布尼，呢场遇上「私房菜」苏格兰肯定冇甩拖，主胜赔率乏味，一于强捧让球主胜。
（有线603及604台周三凌晨2时45分直播）
最近高调加盟皇家马德里嘅比利时队长夏萨特，上季为车路士喺各项赛事交出入19球、贡献16次助攻嘅「双双」成绩，绝对係车仔欧霸封王嘅功臣。「夏神」仲将好状态带埋去国家队，头3轮欧国外已经射入3球兼交出2次助攻，用实际表现向大家证明自己係比利时嘅绝对核心。虽然卢卡古同宾迪基一对箭头状态麻麻，好彩仲有奥历治担当奇兵角色，呢位利物浦前锋季尾欧联4强同决赛个人斩获3球，加上伤愈复出嘅奇云迪布尼，比利时整体实力靠得住。
近4次交手最少赢两粒
况且苏格兰今届欧国外开局就遇上乱流，首战作客以0比3不敌哈萨克认真羞家，老帅麦利殊都因此被炒，改由奇勒接手。不过奇勒执教履历一般，加上苏格兰大部分球员都只係嚟自苏超同英格兰低组别联赛，质素有限，上场面对实力唔算标青嘅塞浦路斯，要到临完场前先靠奥利华布基嘅入波仅胜2比1，表现欠缺说服力，呢场好难同球星云集嘅比利时周旋。翻查往绩，两军近4次交手，比利时全部都赢2球或以上，呢场「欧洲红魔」有力靠主场之利大胜对手，让球主胜值博。