捷克喺Ａ组主场追击黑山。黑山近年发挥反覆，最大名气嘅祖维迪仲因伤未有入选，前线能力一般，后防表现亦唔掂，近7战场场有失波，遇正主场够恶气嘅捷克预咗捱打。捷克上仗打开分组赛胜利之门，乘勇可再下一城，让半一照捧上盘。
（有线603及604台周二凌晨2时45分直播）
黑山缺祖维迪有麻烦
Ａ组5队入面睇落都係英格兰鹤立鸡群，另一出线资格包括捷克、科索沃、保加利亚同黑山4队机会均等。捷克上周喺主场靠柏德列舒希克省两粒，2比1反胜保加利亚，保持主场气势，近12次主场出击只输过3场，对手分别係德国、巴西同乌克兰。
黑山近5战不胜近况低迷，喺小组仲未开斋，后防穿窿係主要原因，今轮国际赛期更有祖维迪缺阵。难得对手有主力唔踢得，捷克肯定趁佢病攞佢命，今场必全力抢3分。