今晚G组榜首双雄交锋，波兰主场斗以色列。双方喺小组表现稳定，全因同样拥有强力攻击手，波兰除拜仁射手罗拔利云度夫斯基外，今年喺意甲踢到晓飞嘅比亚迪克亦充满威胁。以色列近7战只输过1场，射手艾兰沙维弗到震，近3仗入7粒，唔怕同主队对攻，入球大要趁早买。
（有线605台周二凌晨2时45分直播）
两国关係紧张唔衰得
波兰小组3战全胜，以色列亦2胜1和，两军争出线当然打崩头。球场外两国近期亦关係紧张，以色列上月向波兰提出交涉，要求归还二战大屠杀期间犹太人被没收嘅财产，但波兰坚称呢个问题已经係过去式，两国因此闹僵。虽然足球不应涉及政治，但以色列少不免有种唔想被睇死嘅决心，肯定唔会束手就擒。佢哋喺小组3战省8粒，当中最威水嘅係前锋艾兰沙维，呢位中超广州富力射手包办当中7球，现时係欧国外神射手，绝对有力同波兰大斗法。
波兰除罗拔利云度夫斯基外，另一箭头比亚迪克更要留意，佢今季上半季为热拿亚上阵19场入13球，冬季转去AC米兰后披甲18场射入9球，上周五波兰对马其顿久攻不下，就係靠佢后备上阵建奇功，今晚两队射手斗功架，大盘必捧。