女子世盃开锣！！东道主睇定食
四年一度女子世盃香港时间周六凌晨开打，揭幕战由A组东道主法国女足迎战亚洲代表南韩女足。法国虽被视为今届夺标大热门，不过佢哋过去几届表现唔算突出，而且对上3届东道主喺首场比赛都係赢1粒，所背负嘅主场压力随时影响发挥，「让球主客和」主队让两球太辣，波童建议捧中位数2.5/3球嘅入球细。
（香港开电视77台、有线603及604台周六凌晨3时直播）
法国男子队去年赢得世盃冠军威到尽，不过女子队距离登顶似乎仲有一段距离，事关法国近4届世盃3次参赛最佳成绩只係11年入过4强，睇埋欧国盃成绩，法国对上3届都係8强止步，整体表现及成绩同美国、德国等传统强国根本冇得比。
对上7届世盃主办国从未试过喺分组赛出局，波童唔会怀疑法国出唔到线，不过能否场场大胜又係另一回事，始终主办国因素有利有弊，一旦脚风唔顺，压力随之而来，睇番对上3届世盃主办国喺首场分组赛都以1球差距险胜对手，强如德国喺2011年亦唔例外，法国要大炒恐有一定难度。
南韩复仇踢得更谨慎
南韩上届16强正正就係输畀法国被淘汰，吸取教训相信今场会踢得更谨慎，而且上届部分主力包括喺英超搵食嘅池笑然及赵昭贤仍在阵中，加上「人气女球王」李玟娥近年喺日职愈踢愈好，唔係冇还击之力。法国对上3次出战世盃首战取得2胜1负，2次赢波都係小胜1比0，相信今场入波都係1球起、2球止，波童推介入球细。