美斯领军抢5连霸
今晚于中立场西维尔比亚马林球场爆发西盃决赛，由上届盟主巴塞隆拿火併「蝙蝠兵团」华伦西亚。巴塞近年坚重视西盃，誓要连续5届封王，队长美斯又弗到冇朋友，面对防线不稳嘅华伦，随时半场已取得领先优势，半场主胜更值博。
（周日凌晨3时开赛，马会网上文字直播）
巴塞虽然连续两季称霸联赛，不过佢哋喺欧联4强耻辱性地畀利物浦踢出局，输得坚肉酸，令主帅华尔维迪备受下台压力，赛前中坚碧基都话连续两届欧联反胜为败，係困扰佢哋嘅噩梦，但强调华帅近两季管理得井井有条，佢力撑华帅。如果赢到西盃嘅话，巴塞就会连续两季做双冠王，总算能弥补少许欧联出局的遗憾，今场战意唔使怀疑。
儘管巴塞有门将达史特根及前锋苏亚雷斯因伤倦勤，好彩仲有队长美斯单天保至尊，佢上场联赛煞科战更梅开二度，以36球夺得西甲金靴，状态大勇。最重要係巴塞近4届西盃决赛，有3次喺换边前领先，包括上届半场以3比0领先西维尔，最终淨胜5球捧盃。为免夜长梦多，佢哋必定一开波即抢攻。
华伦西亚季尾露疲态
华伦今季联赛以第4名冲线，唔多唔少因基达菲季尾频频甩辘，佢哋先有机可乘。查实「蝙蝠兵团」季尾已疲态毕露，近8战只得4胜4负，当中7场有失球，包括喺欧霸畀阿仙奴合共轰7粒，今场面对火力比阿仙奴更强大嘅巴塞，随时半场都顶唔住，半场主胜有买趁早。