3冠王3连霸只差一步
苏格兰足总盃今晚喺格拉斯哥咸普顿公园球场上演决赛，力争「3冠王3连霸」嘅些路迪扑击赫斯。双方近15次交锋，些路迪赢咗13次，包括上周末喺联赛煞科战赢波，相隔仅一星期，睇唔出赫斯有咩本钱可以创造奇迹，些路迪让一球/球半照捧上盘。
（周六晚10时开赛）
赫斯近况曳爆
些路迪对上2季先后囊括国内三大锦标（苏超、苏联盃及苏足盃），今季赢完苏联盃后虽有领队罗渣士转投李斯特城，不过喺名宿连侬接手后保持强势，最终以9分抛离宿敌格拉斯哥流浪完成联赛8连霸伟业，只要赢埋今场便可连续3季成为「3冠王」，决心唔需要怀疑。双方上周末喺联赛煞科战碰头，些路迪凭米高庄士东梅开二度以2比1击败对手，连同今仗在内，些路迪近15次对赛赢足13次，往绩一面倒。
赫斯近5场联赛1和4负，状态麻麻，而且佢哋今届苏足盃晋级之路从未遇过苏超球队，打入决赛似乎冇咩说服力。些路迪对上4次打入苏足盃决赛全部都能喺法定时间内赢波捧盃，当中3次淨胜2球或以上，今场让一球/球半冇有怕，上盘照捧。