今日阿King搵到一场好路到爆嘅重心推介畀大家，就係意甲博洛尼亚对拿玻里，虽然两军都已经冇嘢好争，表面上投注价值唔高，但其实博洛去到季尾开始踢性感足球，场场都係入球骚，今场碰啱拿玻里后衞高列巴尼、中场阿伦卢利奥停赛，博洛主场谢幕更加可以肆无忌惮丧攻，中位数虽然调高至3/3.5球，一样捧入球大。
（myTV Gold 301、Now 638、有线654及614周日凌晨2时30分直播）
其实一睇个大细中位数开盘，大家都意味到呢场波实多波入，唔单止係因为博洛尼亚季尾大开大合咁简单，翻查埋对赛往绩，近8次交手，有7次总入球係4球或以上，难怪个盘开得咁辣。博洛尼亚主场谢幕，当然亦想「娱乐大家」，佢哋近6场主场出击，每场最少入2粒，配合射手柯苏连尼脚风劲顺，近5场轰入4球，今场肯定多波入。
纽波特郡希尔星堡吼细
当然，拿玻里亦唔怕玩斗攻，佢哋对住博洛尼亚似乎特别易搵食，最近6次对博洛合共入咗25球，平均每场入4球以上，淨係计拿玻里都够开个大，除咗用嚟过关，单头不妨亦玩番少少。
仲有两场大细都好好路，包括英乙升班附加赛决赛纽波特郡对灿美尔，两队近期攻弱守强，纽波特郡近6战都开细，有4场保持不失，相信嚟到决赛会踢得更加保守，今场拣细。最后瑞典超希尔星堡对科根堡，希尔星堡近5场只入过3球，科根堡更加係连续3场入唔到波，睇嚟都係闷战居多。