法甲今晚煞科，联赛冠军及所有欧洲赛资格已经尘埃落定，最后一轮焦点将会落喺降班球队身上。现时除咗包尾嘅甘冈笃定乙组见，另一支直接降班球队及附加赛资格仲有变数；排尾3嘅卡昂今晚主场斗波尔多，赢波有机会逃出生天，输波却有可能直接降班，称得上係生死战。波尔多联赛6连败摆明等收咧，卡昂主胜值得热捧，如果想好分可敲「让球和」。
（周六凌晨3时05分开赛）
现时榜末形势，甘冈只得27分肯定降班，卡昂领先尾2嘅迪安2分，同时比尾4嘅艾米恩斯少2分，卡昂赢波至少唔使直接降班，仲有机会趁艾米恩斯失分，升上尾4直接护级成功；不过一旦卡昂输波，另边厢嘅迪安喺主场击败图卢兹，卡昂就会跌落尾2直接降班，所以形势上卡昂都唔可以放软手脚。卡昂对上2场主场先后击败迪安及兰斯，相反排第14位嘅波尔多联赛6连败，卡昂1.4倍值得热捧，如果想要好分头仲可敲让球和，事关卡昂今季联赛7场胜仗有6次都係赢1粒，而波尔多近5场联赛输波亦係仅输1球，睇怕呢场都係1球上落。
摩纳哥求1分「细」磨尼斯
至于今晚直播戏码有摩纳哥作客斗尼斯。摩纳哥领先卡昂3分，数字上仲有可能沦落踢护级附加赛，但今场攞1分就可以安寝无忧。尼斯今季37场联赛仅入28球，係法甲入波第2少球队，今场捧细盘最好路。
（myTV Gold 302、Now 639及714、有线615及655台周六凌晨3时05分直播）