亚冠生死战 广州核心缺阵
周三晚亚冠分组赛末轮激战连场，等阿King同大家倾倾过关心水。其中FC广州主场和FC大邱上演出线生死战，FC广州今仗有巴西进攻核心泰利斯卡因伤肯定缺阵，球队实力大打折扣，呢场未必有力击败FC大邱，捧番FC大邱下盘好过。
（Now 671、有线612及652台周三晚6时直播）
曾经两次捧走亚冠盃嘅FC广州，暂以7分排名F组第3，落后FC大邱2分，想出线今仗非胜不可，可惜球队进攻核心泰利斯卡啱啱联赛上阵后旧患伤势加剧，主帅简拿华路赛前已经讲到明呢位巴西爱将肯定倦勤，不嬲靠外援揾食嘅FC广州冇咗呢为重量级球星助阵，攻力肯定大跌，面对打和就出到线、呢场必定死守嘅FC大邱，FC广州取胜有难度，转捧FC大邱下盘。
串鹿角半和庆南细
另外E组鹿岛鹿角主场斗FC山东，近4场亚冠半场都同对手打和嘅鹿岛，呢场面对已经提早晋级16强嘅山东，鹿角攞1分都够出线，半场和值得再追。
（Now 672、有线613及653台周三晚6时直播）
最后同组FC庆南主场迎战柔佛DT，客队喺亚冠表现屡有惊喜，近4仗3次开2球或以下，呢场有力守住庆南嘅攻势，中位数2.5球入球细係好路。
（Now 670、有线611及651台周三晚6时直播）