德国U21实牙实齿
   
对于德国U21未能够以全胜姿态杀入U21欧国盃4强的确係有啲失望，实在係怀疑佢哋喺分组赛係留有一手，不过今晚对番最强对手葡萄牙U21应该係时候认真番啲，唔敢再玩嘢。（周六11，香港时间周日0:00am开赛）
 
先睇好有机会喺今晚出局嘅葡萄牙U21，佢哋喺赛前假假哋都係夺冠次热门，不过踢落就有啲失望，好似分组首战虽然係赢到英格兰U21，但係睇番控球比率又或者射门次数呢类呃唔到人嘅数据都係不及对手，整体发挥冇预期咁高，能够以B组首名嘅身份杀入4强好有可能只係同组对手太弱有关。
 
至于德国U21做唔到A组榜首，分组3战亦係取得1胜2和咁大把，表现亦係喺预期之下，不过唔好忘记佢哋首战同塞尔维亚U21踢成平手好有机会係未入局，而同捷克U21打和就有啲畀面主办国嘅嫌疑，嚟到4强遇到最强嘅葡萄牙U21冇晒藉口玩嘢；始终呢队波前面有禾兰、中场有安利简恩，龙门就係达史特根，唔少球员喺欧洲球队都係正选，左计右计实在冇可能输俾葡萄牙U21，即使係赢波输盘相信都冇球迷会收货。