背水一战 英格兰U21哈利仔睇你喇
 
在捷克举行的U21欧洲国家盃，B组生死战英格兰U21对意大利U21，两队最多只能活一队，若然和波，更可能「揽炒」一齐出局，大家都冇得缩，势必摆大个头抢攻。英军名牌射手哈利卡尼经过两场「热身」后，係时候发威，一向慢热嘅意大利亦开始上力，预料双方合演入球骚，捧大。（周四凌晨2时45分开赛）
 
「幼狮」英格兰只有3分在手，由于佢哋首仗输畀葡萄牙，若然今场和波，而瑞典击败葡萄牙，英军就会因对赛成绩较差，未能出线。因此，领队修夫基根本冇得选择，点都要先下手为强，力抢3分。「幼狮」胜在锋线人脚强，淨係一个哈利卡尼已经可以吓窒对手，呢位热刺射手两战仍未开斋，好大程度上因为球季收咧后，抖咗一排影响状态，但经过两场大战，相信可以重新掌握比赛节奏，以佢嘅级数，踢U21赛事超晒班，意军难以招架。
 
意大利U21两战得1分，今场必须赢波，先至有望出线，被迫焗攻。事实上，意军上仗斗葡萄牙，佔上风，12次射门有6次中目标，最终互交白卷，实属可惜。现时形势迫使佢哋豁出去一搏，肯定攻得更勐。意大利前锋杜文尼高贝拉迪去季意甲轰入15球，绝非泛泛之辈，有力攻陷英军大门。
 
葡军玩拉布「细」在必行
 
同组葡萄牙U21对瑞典U21同时间开波，葡萄牙和波都可以出线，或会採取「拉布」战术，力保不败。佢哋今届两战未失过波，只入1球，瑞典好难咬得入葡萄牙，拣入球细。