珀斯光辉射手 安迪基奥治
next 1/1 pre阿德莱德联新兵巴巴迪亚华拉（右）帮到手。
next 1/1 pre澳职常规赛杀入最后直路，只有排头6位嘅球队先至可以继续争霸，今届季后赛出线名单已经逐渐明朗化！依家排第5嘅珀斯光辉唔知係咪恃住排名稳阵，近期表现跌Watt连输两场，今日佢哋作客表现回勇嘅阿德莱德联，形势唔乐观。阿德莱德联季中换血后成绩大幅提升，主场要打落水狗唔难，平手盘可以捧场！
（有线64及203台周五下午4时50分直播）
上季澳职盟主阿德莱德联，今季沉沦大半季，直至上轮赢中岸水手先至升番上尾二，真係惨惨猪！虽然肯定无缘季后赛，但「阿联」喺冇压力之下反而踢得更顺，加上早前为踢亚冠杯进行大换血，效果立竿见影。
「阿联」新加盟嘅塞内加尔射手巴巴迪亚华拉喺联赛上阵3场入3球，西班牙球星伊沙亚斯养伤超过1个月后，已经喺上场复出，加上南韩中场金在成迅速融入球队，难怪阿德莱德联近4场冇输过，攞到2胜2和不俗成绩，当中包括亚冠杯分组赛拎到第1分，球员状态可以话正处今季最高峰。
反观对手珀斯光辉近期状态下滑，近3场联赛只得1分，好彩之前攞埋攞埋，依家仍然领先第7位嘅威灵顿凤凰6分，季后赛资格暂时仲未被威胁。球队最大问题係防守极多甩漏，近3场联赛总共失咗10球，今日仲有澳洲国脚中坚拉斯威廉斯缺阵，即使前面嘅安迪基奥治同阿当泰加特入多几球，都唔够后面输啦！
