曼联前锋 伊巴谦莫域
next 1/1 pre欧霸杯今晚深夜上演16强首回合赛事，由俄超球队罗斯托夫主场对英超球队曼联。红魔今仗虽有伊巴谦莫域和保罗普巴两位主将随队，但曼市同罗斯托夫距离接近3,000公里，舟车劳顿好易出现疲态。至于罗斯托夫歇冬后首场联赛虽然大胜，但今仗对手始终係英超劲旅，应该唔会踢得太进取，度士估计今仗入波唔会多，推介1.65倍嘅中位数2.5球细盘。
（Now 670及Fox Sports Play周五凌晨2时直播）
曼联刚喺联赛主场赛和般尼茅夫痛失两分，嗰场波更有瑞典神锋伊巴谦莫域因报复开肘打人，虽然球证未能明察，但最终被秋后算帐罚停赛3场，将会喺下场英足杯作客车路士、作客米杜士堡同主场斗西布朗嘅两场联赛服刑，所以「伊巴」可以专心出战今晚欧霸杯。曼联今仗要作客距离曼市接近3,000公里嘅罗斯托夫，球员难免会出现疲态，球队最近一次对俄超队伍，係2015至16年嘅欧联分组赛，当时对手係莫斯科中央陆军，曼联作客同对手打成1比1平手。至于红魔史上曾9次同俄罗斯球队交锋，成绩为2胜6和1负，而作客俄罗斯战绩为1胜3和，唔可以讲有绝对优势。曼联嚟紧下周一会喺英足杯8强硬撼车路士，一众球员或会踢得有所顾忌，而且中坚艾历拜利今仗停赛，队长朗尼因伤未有随队，相信未必会踢得进取。
罗斯托夫係由欧联分组赛转战欧霸杯，佢哋喺32强两回合以5比1大炒捷克布拉格斯巴达晋级，可见实力并非太差。事实上，罗斯托夫并非鱼腩部队，佢哋曾经喺今届欧联分组赛主场以3比2击败拜仁慕尼黑，而且3月嘅俄罗斯仍然非常寒冷，其他国家球队嚟到嘅表现都会大打折扣。罗斯托夫刚喺重开嘅俄超首场赛事大胜杜莫斯6比0状态甚勇，今仗有望同红魔周旋，度士认为双方都会因为今场係首回合而踢得较谨慎，因此入波未必太多，推介中位数2.5球嘅入球细。
