C朗（前）首回合有波入，今次唞足预期威力更强。
next 1/1 pre欧联16强次回合大战，衞冕嘅皇家马德里作客意甲拿玻里。由于拿玻里落后紧2粒，今仗返主场必定要豁出去进攻，反而益咗擅打反击嘅「银河舰队」，加上王牌C朗同加里夫巴利抖到够，仲唔搵拿玻里「开餐」咩，推介皇马小让平半嘅上盘。
（有线62、64、202及203台周叁凌晨3时45分直播）
虽然首回合皇马反胜3比1，但畀拿玻里抢到1个作客入球，即係话若果拿军今仗赢2比0嘅话，便可反压皇马出线，因此今仗必定大举出击，事实上以队长咸锡为核心，配合「3叉戟」梅顿斯、荷西卡利祖及恩斯治尼，为博晋级冇得谂咁多，势必空群而出。虽然讲咗好多拿玻里嘅优点，而且皇马输1粒都可晋级，但点解细鬼仍然力撑「银河舰队」呢？
首先，拿玻里防线唔多稳阵，今届7场欧联合共失咗11球，今仗防线被迫压前，随时中门大开。其次係皇马在主帅施丹带领下，打反击仲犀利过打阵地战，「BBC」中嘅C朗同加里夫巴利速度快如闪电，日前联赛大胜伊巴4比1，C朗连后备都冇，而「大圣爷」因联赛要坐波监冇份踢，两个变相获得充分休息，今仗仲唔放到拿玻里班后衞乾塘，而近期备受压力嘅宾施马，对伊巴场波省2粒回复信心，查实呢位法国箭头出战欧联特别醒神，今届已有5球进帐，包括首回合赢拿玻里攻入扳平嗰球，单计欧联入波仲多过C朗添，既然有机会赢波，施丹又点会咁被动守和等出线咁失威呢？
