近期本港交通警及「黄脚鱲」，对驾驶者开快车、衝红灯、违例泊车及泊车过时等执得好严，笔者啱啱因为稍稍过咗3分钟未及时攞车，即刻收到1张320元嘅「牛肉乾」，在此奉劝一众揸车人士要小心，而笔者心有不甘，决定要喺今晚英超「收复失地」。
英超赛会最识得包装，习惯将重头戏放在头场或尾场，虽然今晚英超头场有曼联主场般尼茅夫，及尾场利物浦大战阿仙奴，中间11时开波嘅赛事相对冇咁重要，而在英国并非如香港般咁幸福场场都有睇，佢哋在11时开波嘅5场电视直播，极其量只可拣1至2场观赏，当然畀足特定金额除外。讲番今晚11时赛事，分别是李斯特城对侯城、西布朗对水晶宫、史笃城对米杜士堡、屈福特对修咸顿、史云斯对般尼，全属实力接近嘅中下游对决，笔者认为起码会有3仗「和」气收场，不妨整条和波过关5串26，只要有3仗打和，便会中3口孖宝及1口过3关，极之和味。为何觉得呢5仗好大机会和波，因为李斯特城、侯城、水晶宫、米杜士堡、史云斯皆要为护级抢分，就算赢唔到波，都希望打和抢得1分得1分，尤其係李斯特城对侯城係名副其实嘅护级大战，大家都唔想在劲敌脚下失晒3分，稳打稳扎下和波唔奇，信不信由你喇，但笔者为攞番「牛肉乾」嘅罚款一于死跟。
金句：英超5仗开11时0分，和波收场正路我一于跟。
