前英格兰中场林柏特正式挂靴，同早前煺休嘅谢拉特齐齐煺下来。「双特」同属近20年英格兰最好中场，可惜大家都係进攻球员。现代足球入面中场无论有几多人都需要唔同类型，佢两位功能接近，所以喺英格兰国家队一相逢就唔夹。呢两位嘅唔磨合，亦令英格兰空有好球员，但自1966年后从未染指任何大赛锦标。
人生嘅遭遇同成败有时真係好微妙，林柏特同谢拉特表面上都係进攻中场，但两人令Peter怀念嘅感觉係唔同。首先讲谢拉特，佢喺利物浦土生土长，极大部分时间只效忠红军，活动範围由自己禁区到对方禁区，由于步大力雄加上长传准绳，而且射门脚脚七注，所以係一个非常悦目嘅攻击球员，往往喺紧张时刻挺身而出。可惜谢拉特喺2014年4月对车路士一役，因一次意外跣脚而令球队丧失赢英超冠军嘅机会，畀唔少球迷同球评家无限放大呢个错误。不过若然近15年冇谢拉特喺度，利物浦係唔会有咁辉煌嘅历史。
至于林柏特属名将之后，父亲出身韦斯咸而佢自己亦喺该队出道，其后转会车路士直到黄昏时期征战美职。「林伯」嘅入波同传送都同谢拉特唔太相似，视觉上亦唔及对方咁吸引。不过「林伯」係教练同圈内人喜欢嘅球员，因为佢每分每秒都交足课，而且伤患少襟踢耐用，无论远射、主射罚球甚至入楔做第2前锋都实而不华。
Peter有幸喺03同07年英超亚洲挑战杯，近距离睇到两球伟大球员嘅比赛，甚至可以同林柏特倾偈合照。「双特」先后煺役，谢拉特近日已重返红军做青年军教练；至于林柏特将来会做领队、助教或者係其他行业都好，Peter都非常享受两位「特哥」畀我美好嘅回忆，向两位不可多得嘅英格兰进攻中场悍将致敬。
金句：恨得相逢未夹时
