西悉尼流浪者中场 迪马斯迪加度
next 1/1 pre布里斯班狮吼前锋 占美麦卡伦
next 1/1 pre「澳职」两大宿敌西悉尼流浪者同布里斯班狮吼今日交锋，主场出击嘅「西流」今季只係赢过一场，有传佢哋准备搵爱尔兰名将罗比坚尼过嚟救亡，有咁利好嘅消息，有力砌低火力唔强嘅狮吼，撑4.25倍让球主胜。
（有线64及203台周五下午4时50分直播）
有睇开「西流」比赛嘅球迷都会同意，其实佢哋今季演出唔算好差，不过就衰黑仔，有几场冇运导致和波失分收场，因为咁先排喺下游。好似上星期对住墨尔本城，就因为球证错误吹走佢哋一个入波，咁就1比1和咗，呢场亦係球队近5场联赛第4次和波！近日有传宣布离开洛杉矶银河嘅前锋罗比坚尼下一站係「澳职」，又以登陆「西流」唿声最高。喺「强人」未嚟到帮手之前，依家踢紧嗰班，当然要Keep住踢争气波，唔好愈踢愈沉啦！
「狮吼」依家排前列，但佢哋其实冇乜入波能力，7场联赛只入7球，係全澳职第二少入波嗰队。塬因係占美麦卡伦唔似上季咁士哥频频，今季死火，只入得两球；另一箭头班顿波里路亦因伤至少抖半个月，冇任何争分本钱，呢场作客根本唔易踢，主队西悉尼流浪者赢2粒唔难，要让球主胜喇！
至于听日「周末双响炮」直播，头场墨尔本胜利主场斗纽卡素喷射机，「胜利」近两仗主场分别赢6比1同3比0，主场霸气十足，要轻取「喷射机」冇难度，都係博让球主胜。另一场榜首FC悉尼对包尾嘅阿德莱德联，「阿联」输到颓晒，相反FC悉尼就如日方中，宁买当头起，梗係撑「让主」啦！
