曼联中场 桑马达
next 1/1 pre曼联领队 莫连奴
next 1/1 pre今晚欧霸分组赛A组关键战，曼联坐镇主场火併飞燕诺。曼联「战神」伊巴谦莫域赛前暗示下季离队，难免会影响军心，若果今仗输波更好大机会提早出局，必定踢得小心翼翼，撞正坚守得嘅飞燕诺，两军大打稳阵波，今仗唔慌多波入，捧细盘(2.5球)最划算。
（now 670及Fox Sports Play周五凌晨4时05分直播）
曼联箭头伊巴谦莫域啱啱第11次当选瑞典足球先生，被问到明年夏天约满红魔会否离开英超？估唔到呢位战神完全冇否认，仲非常之坦白咁话唔锺意长时间留喺同一个地方，又指自己可以好似拿破崙咁环游世界，仲懒醒咁话有样嘢佢做到而拿破崙做唔到，就係可以去征服亚美利坚。讲到咁白，言下之意即係伊巴考虑过离开曼联，转战美职搵食。不过依家大战前夕，讲啲只顾自己离弃队友嘅嘢，对曼联军心唔多唔少都有影响。
再讲讲A组形势，现时榜首费伦巴治与飞燕诺同得7分，曼联则以6分排第3，形势实在非常紧凑；曼联若果今仗输波，而另一场费伦巴治击败索尔亚的话，红魔就会提早出局。曼联啱啱喺联赛同阿仙奴激战一场，球员耗力不小，今仗就算有主场之利，但相信会踢得小心谨慎。反之飞燕诺今仗赢波就立刻出线，但佢哋近况亦跌Watt，之前6仗只得2胜3和1负，联赛排名亦跌落第2位，缺态之下今仗造访曼联，相信飞燕诺唔会轻举妄动。
查实飞燕诺喺主帅兼昔日荷兰后防悍将云邦贺斯领导之下，于今届4场欧霸只曾失过2球，每仗总入球皆在两球或以下，足见呢支荷兰球队防守相当硬净，为争出线双方都会稳打稳扎，转捧入球细更佳。
