今晚欧联「死亡C组」关键战，排第3嘅慕逊加柏主场硬撼「2哥」曼城。 慕逊加柏若果想争取出线，今仗可谓非胜不可，必定藉地利抢攻，但「蓝月亮」以阿古路为首嘅锋线，于今届6场欧联狂轰16粒，火力全开唔係人咁品，对攻格局实多波入，中位数2.5球嘅大盘，有1.54倍属稳阵之选。（有线64及203台周四凌晨3时45分直播）
讲番C组形势，巴塞现时以9分排榜首，曼城则以7分紧随其后，慕逊加柏落后「蓝月亮」3分，而且首轮交手惨败0比4，若果今仗打和嘅话，就算慕逊加柏下仗赢波而「蓝月亮」败阵可追至同分，亦会因对赛成绩较差而被踢出局，为咗争取出线，这支德甲兵今仗许胜不许和，必定谷前抢攻争胜。但咁做可能会跌入曼城嘅陷阱，因为曼城火力强劲，连附加赛在内，「蓝月亮」于今届6场欧联轰入16球，当中有5仗嘅总入球至少有4球，包括上轮主场反胜巴塞隆拿3比1，可见中前场嘅阿古路、根度简及奇云迪布尼个个弗到震。不过有一点要留意，係曼城防线唔算好稳阵，近6仗欧联合共失咗8粒，慕逊加柏冇得谂咁多要焗攻，预计今仗会合演入球骚，一于捧中位数2.5球嘅大盘，论近况曼城近4仗3胜1和，与4仗不胜兼2连败嘅慕逊加柏形成强烈对比，「蓝月亮」1.65倍客胜亦可兼投。
