好多人话今届欧联C组係死亡之组，但不妨谂深一层，以慕逊加柏及些路迪嘅实力，何德何能阻止同组劲旅巴塞及曼城携手出线呢？C组是係人都明的一组。

双雄对决好睇过戏

当然笔者亦要戴定「头盔」，皆因喺呢两队仲未正式进行第3、4轮嘅「背对背」交锋前，必定想尽量于头2轮赢晒，手执6分下，喺正面碰头时可睇定嚟踢，因此于首轮旗开得胜后，今晚次轮巴塞作客慕逊加柏，以及曼城作客些路迪，「巴曼」誓要赢波擸晒3分，不过两军嘅客胜赔率热到爆，想要好分头不妨整条波胆过关2串1，买曼城同巴塞赢「2:0」、「3:1」波胆互串，买4条飞每注10元，以小博大都係唔错选择。

讲完今晚场波，不如再睇远啲；曾带领巴塞于2009年荣膺6冠王嘅曼城主帅哥迪奥拿，依然坚持其Tiki Taka嘅传控打法，带领「蓝月亮」头11场正式赛事全胜。相反「师弟」安历基则因时制宜，喺现时巴塞传控能力不及以往之下，注入更多反击元素，亦取得不俗成绩，展望第3、4轮嘅「背对背」交战，单睇择善固执嘅哥帅恶斗灵活变通嘅安帅，点样见招拆招，已经好睇过戏。