成日都话季尾波战意行先，就算球队本身实力差啲，都可以靠斗志搭够，今日重心推介场次，係英超阿士东维拉主场对纽卡素，正好係强烈对比。维拉笃定降班成队散晒，相反纽卡素为护级实搏甩髀，作客仲要让半一咁辣，飞数硬净畀晒提示，一于捧纽卡素上盘。
（now 622周六晚10时直播）
维拉连输11场护级失败，不但成为过街老鼠，亦係投注者长反佳品，评级指数更已列为极级「腐皮」（负评），既然班波已经输到冇晒廉耻，毫无斗心，一定要反到底。另一边厢，尾四嘅纽卡素护级未绝望，而且佢哋嚟到季尾知惊狂抢分，近4仗录得2胜2和未输过，纯计盘路全部赢晒添，非常犀利，再次印证季尾波战意行先，初盘「喜鹊」作客竟要让到半一咁辣，仲要压到得番八二水咁低，以一队非劲旅嚟讲，甚为罕见，证明庄家对佢哋信心十足，肥叔认为水位随时继续跌，呢个上盘宜趁早入货。
至于意甲尾场，博洛尼亚主场对AC米兰，博洛仍未摆脱降班漩涡，因此战意唔使怀疑，撞正换帅后冇乜起色嘅「红黑兵团」，绝对係抢分良机，初盘受让平半不容错过。
（TVB 301周日凌晨2时45分直播）
