寻日讲过欧联5大联赛中，其中3个（意甲、法甲、德甲）因过早决出冠军而非常乏味，今日轮到全球最具吸引力嘅英超煞科。李斯特城缔造灰姑娘式童话般夺冠，早已成为全球佳话，呢种情况于其余4大联赛可谓天方夜谭，不过今晚焦点落在曼市双雄嘅「阿4之争」。依家「4哥」曼城领先「5哥」曼联2分，曼联主场出战般尼茅夫，虽然很多球迷都认为红魔主帅尹戈尔江郎才尽，但鑑于般茅已经上岸，战意难与曼联相提并论，加上主场「魔粉」嘅强劲吶喊助威，预计红魔赢波冇难度。
曼城纵然星光熠熠，但高层过早作出Bone head（愚蠢）嘅决定，2月头即宣布哥迪奥拿下季执教，你叫「被辞职」嘅现任领队比历连尼情何以堪呢？其麾下嘅勐将仲会听佢支笛吗？查实比帅喺咁尴尬环境下，仍带队捧走英联杯及杀入欧联4强，算係非常唔错，但「蓝月亮」高层嘅Bone head，以致季中接连失分，係依家仲未锁定前4嘅下届欧联入场券嘅关键，加上佢哋冇正视阿古路每季都伤一排、耶耶托尼严重老化、高柏尼未曾彻底康复等问题，乃曼城今季下滑嘅塬因。当然，曼城仍掌握「保4」主动权，究竟曼联能否后来居上呢？将会掀起今晚英超煞科最后高潮。
金句：英超4哥有价讲，煞科高潮靠晒你
