白禮頓主勝好「諾」觀

      雖然英超要等到明晚先開咧，但今晚都有場英冠開鑼戰，讓大家止一止渴！白禮頓上季僥倖避過降班命運，今季當然唔想重蹈覆轍，是夜面對水準不穩定的諾定咸森林，趁有主場之助，白禮頓必想先贏一場打響頭炮。（星期五23；無網絡301頻道周六02:45直播）

　　白禮頓去季整體演出大走樣，未能承接前季打入英冠升班附加賽的佳績，球隊更淪落至降班邊緣，幸好球隊始終整體人腳不俗，球員季尾打醒十二分精神，最終護級成功。年初接手執教白禮頓的前紐卡素及諾域治領隊侯頓，擁有多年執教英超經驗，在英冠可算是名牌教頭，而他亦不負所託，半年間就將白禮頓起死回生，得以今季留在英冠角逐。

　　雖然白禮頓今夏在轉會市場未見有大手交易，較矚目者當屬回巢的前英格蘭國腳森莫亞，這名34歲高大柱躉前鋒，去季在昆士柏流浪依然交出一定水準，如今降低一級在英冠發展，威脅力相對增強，相信可解決球隊去季攻力疲弱的問題。

　　諾定咸森林雖有中東班主撐腰，惟演出卻異常飄忽，難以信賴；無疑論人腳森林確比白禮頓勝一籌，但今仗作客身份，加上熱身賽7戰僅1勝，認真信唔過，捧白禮頓主勝有2.15倍，咁好分，點解唔博喎？