聖日耳門客勝酬「賓」

      國冠盃加拿大多倫多上演葡法勁旅大戰，賓菲加放走好多主力兼換教練，各方面都需要時間適應，故此巴黎聖日耳門雖然唔係強陣出擊，依然有力挫敗賓菲加，簡簡單單買注客勝。（周六37，有線61及201台香港時間周日8:35直播）

　　賓菲加變動極多，洛迪高利馬、安祖艾美達、彭利拿、蘇利馬尼、羅利斯賓尼圖同埋阿度亞等熟悉名字相繼離隊，取而代之係昆士柏叛將泰拉拔同安德列治中場卡斯拉干沙利斯，效果暫時未知，新教練雷爾域多利亞亦要時間適應。

　　巴黎聖日耳門有卡雲尼、拿維斯、堤亞高施華、大衛雷斯同埋馬昆奴斯哥利亞等南美星將因早前出戰美洲國家盃而獲准延遲歸隊，不過佢仲有伊巴謙莫域等球星壓陣，而且新簽入法蘭克福門將奇雲查普會上陣「考牌」，料聖日耳門可開客Win娛「賓」。