銀河讓主殺聲「震」天

      美職洛杉磯銀河對聖荷西地震有咩睇頭？咁就梗係睇謝拉特地標戰啦！消息指「神奇隊長」會首度踢足90分鐘，撞正4連敗頹到落谷底嘅聖荷西地震，銀河2.4倍「讓主」冇走雞。（周五6，無網絡電視301頻道周六早上11:00直播）

　　謝拉特已經為銀河喺國冠盃同埋美聯盃披甲，不過兩仗都只係分別踢半場，加上今仗先係真正美職地標戰，態度一定認真好多，而且杜斯山度士亦宣布加盟，儘管今戰未及登場，預計消息仍可沖喜，銀河主場出擊自然殺聲震天。

　　聖荷西地震連輸4場，近況同埋士氣乜都冇，連最可靠射手雲度路斯基都去埋踢美洲金盃，連赫特同恩洛辛艾馬加拉又相繼倦勤，真係諗唔到佢有乜方法可以搶分，足智彩開讓球主客和，唔買銀河「讓主」點對得住自己！