如今嘅法甲毫无疑问係超班嘅巴黎圣日门嘅天下，虽然喺欧冠赛场遭遇挫折，但佢哋今季继续称霸法甲如无意外只係睇几时捧盃。因此对于其他球队嚟讲，法甲第二呢个位置喺某程度上都算得上係平民冠军。而近来势头强劲嘅马赛正喺积分榜上全力冲击，嚟紧下週一凌晨主迎弱点明显嘅奈斯，前者志在必得。

近况
纵使不复当年之勇，但更加成熟嘅意大利射手巴洛迪利喺法甲舞台上依旧大有用处。喺今年冬季转会期过档至马赛之后，佢喺短时间内已经为球队喺联赛中攻入4波，其中过去5轮贡献3波，而马赛喺此期间内豪取4胜1和嘅傲人战绩。至于另一边厢，虽然奈斯上仗联赛重返胜轨，但球队主强客弱嘅问题依旧未有解决，自上年12月头开始，佢哋过去7仗联赛作客一胜难求，其中近来更加遭遇三连败。面对目前正对联赛三甲虎视眈眈嘅主队马赛及倒戈相向嘅巴洛迪利，奈斯恐难成为拦路虎。

人脚
本场比赛中，只有奈斯中场丹尼路巴保沙因上仗联赛染红被罚坐波监，其馀皆基本可「夫添」出战。

盘路
双方过去两次喺马赛地头交手中，马赛均以2比1笑到最后，各位波友今仗不妨多加留意相关波胆。同时如果想话串返条过关飞，相信马赛标准盘亦係铁胆嘅不二之选。