喺唱罢「问君能有几多愁，恰似摩纳哥战绩向下流」嘅无奈之后，冬季经历将帅调整嘅摩纳哥近期状态终于有所抬头。嚟紧下週一凌晨主迎赛程密集嘅里昂，一于睇好摩纳哥趁机抽水。

近况
喺主帅查甸(Leonardo Jardim)「拨乱反正」，加上邀得西班牙中前场派牌好手费比加斯嘅救火下，摩纳哥近来终于迎嚟一波赛季至今最长嘅连续3轮不败。虽然呢个战绩听落都好凄凉，但对于此前一直深陷谷底嘅摩纳哥嚟讲，却已经算大大止咳。至于另一边厢，虽然里昂目前排名法甲第三，但球队近来赛程密集，不仅啱啱喺欧冠赛场同巴塞激战90分钟，下週中又将有法国盃嘅赛事。喺本身人脚并唔算充裕嘅情况下，主帅真尼斯奥(Bruno Genesio)如何合理用兵就相当值得关注。不过就喺日前，已经有风声传出真尼斯奥未必会获管理层续约，佢目前心态如何亦将係一大看点。

人脚
摩纳哥今仗缺阵球员主要集中喺中前场，包括中场华恩基亚、三位前锋祖维迪、佐迪麦保拿和柏历基皆因伤倦勤，而后卫谢美臣则被罚坐波监；至于里昂呢边，虽然只有前锋高尔利一人因伤高挂免战牌，但如后卫迪尼亚和中后场万金油尼当比利都喺赛前传出因为赛程密集嘅缘故，今仗有可能同告轮休，里昂整体战斗力或将有所下降。但利好嘅係，喺此前欧冠遭遇停赛嘅攻击手费基亚今仗将可以回归正选。

盘路
喺战绩提升嘅带动下，摩纳哥近期盘路表现亦係一路飘红。与此同时，纵观双方近年交手较多时候均出现大手笔交易，今仗不妨期待两队保持传统。