上季喺升班附加赛决赛憾负无缘升班之后，打比郡新赛季表现一落千丈，近期更加连续7轮未尝胜绩，球队睇怕都好难喺2019年攞返个尾彩。週二(除夕)凌晨，打比郡将与查尔顿喺前者主场展开1场英冠嘅较量。

打比郡今夏被英超豪门车路士撬走领队林柏特之后，球队就好似原本一隻披着狼皮嘅羊变咗被人剃晒羊毛嘅绵羊一样，冇咗灵魂。英冠赛程已经过半，打比郡至今都未试过斩获连胜，赛季至今取得嘅6场胜利中，有4场只淨胜1球。其中攻击力绝对係打比郡今季嘅硬伤，哈利威尔逊和美臣莫特离队对球队嘅影响十分之大，至今都还未找到两位攻击手嘅替代者，只能依靠域汉嘅单兵作战。就算今仗打比郡拥有主场之利，球队亦不宜过分高估。

作为升班马嘅查尔顿今季首要目标自然係保组，球队目前24轮联赛过后积28分暂时没有降班危机。其实都係靠联赛开局一波4胜2和嘅表现帮助查尔顿支撑住，要知道球队喺上轮联赛之前已经连续两个月有多嘅时间未赢过。幸好上仗凭藉M.宝尼嘅梅开二度以及艾菲达奥堤嘅最后时刻入球，查尔顿终于结束颓势。另外，查尔顿喺首循环面对打比郡时取得3比0嘅大胜，当其时M.宝尼攻入首名入球，相信呢位射手今仗必定会继续有所作为。