拿坡里難得“米”

    明晨有場意甲孭重飛，由拿坡里與國際米蘭合演榜首大戰。佔主場之利嘅拿坡里目前落後國米兩分，要奪其王位，今場必須斬殺對手。且後有費倫天拿與羅馬兩路追兵，要爭奪今季意甲冠軍的確荊棘滿途。

    拿坡里向來大踢進攻足球，前線火力係爭勝最大本錢，十三場聯賽攻入廿四球，兩大攻擊手希古恩與恩悉尼共入十七球，肯定是國米防線嘅頭號目標。講開國米嘅防守能力，又確有十足安全感，今季由馬體會加盟嘅巴西守將米蘭達、日本侍衛軍長友佑都及哥倫比亞國腳梅里路都係實而不華。中場攔截有古亞連、米度爾、比列錫及干杜治比亞等悍將，攻守兼備。講中後場平均人腳與板凳深度，國米應比拿坡里有過之而無不及。

    初盤開出拿坡里要讓半球／一球，實在過分高估拿坡里有太大勝算。可能拿坡里今季聯賽六個主場，取得五勝一和不敗，但國米作客亦有四勝兩和佳績，主客場優勢唔會有太大分野，近四次交手亦和足三場，一於捧受讓嘅國際米蘭有“里”。

    推介：和波2:2