車仔受讓趁“熱”食

熱刺上仗在打吡戰踢到曉飛，打到“鎚仔幫”韋斯咸落荒而逃。今晚繼續倫敦內戰，對住落魄“一哥”車路士，被騎住咁多年嘅熱刺勢必借勢行兇，一於趁“車”病，攞“車”命。

自從車路士高層表態力撐老摩後，球隊即傳來利好消息，成班球員即時改變態度，落到場比賽都特別醒神，先在聯賽小勝諾域治，跟住歐冠盃四球大炒特拉維夫馬卡比。老摩果然有料，點大牌球星都要聽聽話話。既然大家咁聽話，老摩亦做順得人家，表明冬季轉會市場維持原有人腳，實行不變應萬變，波照踢，糧照出，最緊要團結就是力量。事實上，車仔現時結構根本就有足夠競爭力，只係球隊狀態與球員發揮問題，相信老摩嘅應變能力可以扭轉球隊頹勢。

熱刺目前狀態的確相當穩定，聯賽只係首戰輸過畀曼聯。不過，亦係和波最多球隊，殺氣唔多。近幾次與車仔對陣都係輸多贏少。車仔只要踢出士氣，熱刺幾難煞“車”。初盤熱刺讓平手／半球，當然捧車路士。

推介：車路士2:1