紅魔鬼難獵“狐”

英超明晨上演榜首之戰，由李斯特城對曼聯。李斯特城目前以一分之差領先曼聯暫坐“龍頭”之位，居然力壓各大豪門，相信冇乜球迷會意料到。呢隻黑“狐”果然唔簡單，球隊到底含金量有幾多，今場對住曼聯就知龍與鳳。皆因之前所遇對手實際並非強橫，最強對阿仙奴，“狐狸”主場大敗二比五。不過，打波打氣勢，上季主場亦曾經五比三驅走紅魔鬼，今仗又未必輸得晒。

計球員級數，曼聯當然在對手之上，但講到入波本錢，近期的確稍為不足，今戰實在難言穩勝。初盤曼聯讓平手／半球，捧李斯特城不懼紅魔鬼來襲。

李斯特城不單積分壓倒三大豪門，入球數字更是各隊之冠。連續十場有波入嘅華迪成為神級射手，仲有烏路亞與岡崎慎司，攻擊力實在不能睇低。相反，曼聯近期火力不足，上仗聯賽只能憑屈福特一個“烏龍波”才能險勝。周中歐冠盃又食白果，朗尼已失去射手本色，迪比與馬迪爾表現時好時壞。周中又踢完場歐冠盃，以逸待勞嘅李斯特城坐和望贏。

推介：李斯特城二比一