里昂“利”字當頭

    今日轉轉口味，介紹場法國波，由里昂對蒙彼利埃。呢幾年法甲都係巴黎聖日門一枝獨大，其他球隊根本難以爭鋒，曾經風光一時嘅里昂亦要俯首稱臣，基本上爭個聯賽亞軍，爭踢歐冠資格已經係各支球隊最大目標。

    里昂目前守住法甲第二位，不過第三至第七位置球隊相差都不過三分，即係話里昂失分的話，隨時跌出前四位置，今場絕對冇失分餘地，非要戰勝對手不可。

    連埋歐冠盃，球隊遭遇兩連敗，狀態認真麻麻，士氣亦稍低落，極需要一場勝仗反彈。

    里昂陣中擁有唔少好波之人，華貝拿、干拿隆斯、比奧禾爾及上季法甲金靴獎射手拿卡錫迪等，除巴黎聖日門外，里昂都算屬於一支人強馬壯球隊，對住其他中下游分子夠踢有餘。

    蒙彼利埃亦屬法甲中堅分子，惜今季表現未盡人意，目前只排十四位，幸好近兩場取得連勝，鬥心有所加強；不過，球隊踢作客認真靠唔住，六戰三和三負未嘗一勝，今戰實在難以威脅里昂。初盤里昂讓半球／一球，捧里昂必得“利”。

    推介：里昂二比〇