紅軍開大“波”

    “紅軍”利物浦在今輪英超聯賽大炒曼城四個一皮，接手個多月嘅克洛普終於帶畀“紅粉”最佳禮物。

    歐霸盃相信係“克蛇”今季頭號目標，明晨主場迎戰波爾多，祇要擊退對手，就可鎖定出線資格。紅軍目前士氣高昂，所謂殺得性起，整定波爾多冇運行。波爾多要出線今戰非勝不可，奈何球隊戰鬥能力所限，要向歐洲列強之一嘅利物浦挑戰？未夠班。初盤利物浦讓一球，捧紅軍贏“波”完全冇甩拖。

    經過克洛普調教之下，紅軍漸上軌道，球員狀態與發揮明顯大大提升，對曼城一戰，巴西“雙奴”嘅古天奴與費明奴閃耀曼徹斯特城，“克蛇”果然慧眼識英雄。球隊目前雖受唔少傷兵影響，但人員調配仍可支撐大局，尤其前線火力，比利時射手賓迪基對曼城都要踢後備，仲有史杜歷治經已傷癒，可以隨時候命，況且今仗對手威脅力唔大，紅軍應可再大勝一場，延續近期聲勢。

    波爾多在法甲踢到毫無競爭力，主要係球員平均質素較為平庸，今場仲話要必勝先有出線希望，真係諗都唔好諗。

    推介：利物浦三比〇